Deklarata e kryetarit të Komunës së Tetovës dhe njërit prej krerëve të VLEN-it, Bilall Kasami, se “shqiptarët dhe maqedonasit kanë jetuar mirë mes vete edhe para, edhe pas vitit 2001”, ka nxitur reagime në opinion.
Kritikët e kësaj deklarate vlerësojnë se një krahasim i tillë anashkalon realitetin politik dhe institucional para vitit 2001, kur sipas tyre shqiptarët përballeshin me kufizime të shumta në përfaqësim, përdorimin e gjuhës shqipe dhe ushtrimin e të drejtave kolektive.
Ata theksojnë se pas konfliktit të vitit 2001 dhe zbatimit të Marrëveshjes së Ohrit, u krijuan mekanizma që zgjeruan të drejtat e komunitetit shqiptar, përfshirë rritjen e përfaqësimit në institucione, përdorimin më të gjerë të gjuhës shqipe dhe pjesëmarrjen më të madhe në vendimmarrje.
Sipas kritikëve, deklarata e Kasamit relativizon dallimet mes periudhës para dhe pas vitit 2001, duke lënë përshtypjen se nuk ka pasur ndryshime thelbësore në pozitën politike dhe institucionale të shqiptarëve.
Sipas Kasamit, shqiptarët dhe maqedonasit kanë jetuar mirë mes vete, edhe para edhe pas vitit 2001
